«Ақтөбе облысының білім басқармасы

Алға ауданының білім бөлімі» мемлекеттік мекемесінің
«Үшқұдық орта мектебі» коммуналдық мемлекеттік мекемесі

2025 жылдың 16–28 сәуір аралығында Ақтөбе облыстық әдістемелік орталығының жұмыс жоспарына сәйкес білім беру ұйымдары арасында «Үздік веб-сайт» облыстық байқауы өткізілді. Байқауға облыстың білім беру ұйымдарының ресми сайты ұсынылды.

Байқаудың мақсаты: Білім беру ұйымдарының ақпараттық-коммуникациялық технологияларға деген қызығушылықтарын, шығармашылық белсенділіктерін арттыру, ең үздік ресми сайтты анықтау және қолдау көрсету.

Ұлттық кітап күні – руханият пен білімге, парасат пен зердеге құрметтің белгісі. Осы күнді ерекше атап өту – тек кітапты дәріптеу емес, сонымен қатар ұлттық құндылықтарымызды, дара тұлғаларымызды ұлықтау. Солардың ішіндегі ең шоқтығы биік тұлға – қазақ халқының ұлы ойшылы, ақын, ағартушы Абай Құнанбаев.

Биыл ұлы Абайдың туғанына 180 жыл толып отыр. Бұл – тек тарихи дата емес, ұлт санасына сәуле шашар рухани серпіліс уақыты. Абай – өз заманынан озық туған, ой-толғамы бүгінгі күнге де бағыт-бағдар болатын дара кемеңгер. Оның өлеңдері мен қара сөздері адамгершілік, білім, еңбек, әділдік, махаббат сынды ұлы ұғымдарды насихаттайды.

«Оқуға құштар мектеп» жобасы аясында оқушылардың кітапқа деген қызығушылығын оятып, білімге ұмтылысын арттырудың ең тиімді жолы – Абай шығармаларын оқу. Абайды оқу – тек әдеби мәтін оқу емес, ол – терең ойға бойлау, өзін тану, әлемге жаңаша қарау.

Абай былай дейді: «Ғылым таппай мақтанба...» – бұл тек бір ғана өсиет емес, бүкіл ұлт болашағына жол көрсеткен бағдаршам іспетті. Оның әрбір сөзі – ұлттың рухани асыл қазынасы.

Олай болса, Абайды оқы, таңырқа! Оның даналығынан нәр алып, өзіңді таны. Өйткені Абай – әр қазақтың жүрегінде өмір сүретін мәңгілік мұра.

23 сәуір Ұлттық кітап күнінде "Оқуға құштар мектеп" жобасы аясында Абай Құнанбаевтың 180 жылдығына орай "Абайды оқы, таңырқа" мәнерлеп оқу кеші
Жауапты Даулетжанов Ш. Б.

«Cыбайлас жемқорлыққа қарсы күрес туралы» ҚР Заңында көзделген, заңдарда белгіленген тәртіптік, әкімшілік және қылмыстық жауаптылыққа әкеп соғатын сыбайлас жемқорлықпен ұжымдасқан немесе сыбайлас жемқорлыққа жағдай туғызатын іс-әрекет. Соған орай мектебіміздің 7-11 сынып оқушылары аралығында «Біз жемқорлыққа қарсымыз» эссе байқауы ұйымдастырылды, байқауға 25 оқушы өз бақтарын ортаға салып, ең үздік жұмыстар марапатталды. Мақсаты: Өз мемлекетіне жауапкершілікпен қарау және әділдікке тәрбиелеу. Патриоттық тәрбие қалыптастыру. Ұйымдастырушы Докина Г.Қ.

Үшқұдық орта мектебінде 10 сәуір күні "12 сәуір - Ғарышкерлер күніне" орай "Өзін-өзі басқару" ұйымының 4-5 сынып оқушылары ұйымдастыруымен "Ғарыш және өнер" тақырыбында сыныптан тыс шара өткізілді. Шара барысында сұрақ-жауап, сергіту ойындары, зияткерлік ойындар, мәнерлеп оқу, флешмоб өтті. Шараға 1-8 сынып оқушылары белсенді қатысып,ойындар ойнап сыйлықтар алды.4-5 сынып қыздары өз өнерлерін көрсетіп,флешмоб биледі.