«Ақтөбе облысының білім басқармасы

Алға ауданының білім бөлімі» мемлекеттік мекемесінің
«Үшқұдық орта мектебі» коммуналдық мемлекеттік мекемесі

29 қазан күні ғылыми-әдістемелік жұмыстың жоспарына сәйкес мұғалімдерге жасанды интеллекттің білім беру саласында қолдану мүмкіндіктері мен оның тиімділігі туралы түсінік беру, ЖИ құралдарын оқу процесінде қолдану тәсілдері мен әдістерін таныстыру мақсатында "Жасанды интеллекттің білім берудегі рөлі" атты коучинг өткізілді.
Жауапты Сатаева М.А.

Ұлағатты ұстаздарды ұлықтау, оқушылардың кәсіби шеберлігін шыңдау, бала оқушы мен аға-апа оқушы арасындағы ынтымақтастықты негіздеу мақсатында 3 қазан күні 10-11 сынып оқушылары мұғалімдер күніне орай «Дублер күні» іс-шарасы ұйымдастырылды. Мектептегі өзін-өзі ұйымдастыру жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында ұйымдастырылған іс-шараны 10-11 сынып оқушылары өткізіп, аталған жұмыстарды жоғары деңгейде атқарып шықты. Мұғалімдер мен мектеп әкімшілігі ролінде ойнаған балалар ұстаздардың жұмысының қаншалықты ауыр әрі маңызды екенін түсініп, аталған жұмыстың жауапкершілігін сезінді. Іс-шаралардан кейін ұстаздарына алғыстарын айтып, ризашылық сезімдерін білдірді.

3 қазан күні мұғалімдер күніне орай, ұстаздар қауымын ұлағаттау мақсатында 10-11 сынып оқушылары "Дублер күнін" өткізді.

2 қазан күні Алға аудандық кәсіподақ ұйымы және Алға ауданының білім бөлімінің ұйымдастыруымен Қазақстандық оқу-ағарту, ғылым және жоғары білім қызметкерлері салалық кәсіподағының 100 жылдығы және ұстаздар күні аясында «МЕРГЕН ҰСТАЗ-2024» пневматикалық мылтық атудан аудандық сайыс өтті.
Нәтижесінде:
ДАУЛЕТЖАНОВ ШЫНБОЛАТ «ВПР-1» ату түрінен ерлер арасында ІІ орын, «ВПР-2» ату түрлерінен ерлер арасында І орынға
ТАНАТАРОВ ЖАСҰЛАН «ВПР-2» ату түрлерінен ерлер арасында ІІІ орын есебімен біздің командалық есепте ІІІ орынға ие болды.
Ұжымды жеңістерімен ҚҰТТЫҚТАЙМЫЗ!!!